الحقيقة الموضوع هذا محبيتش انخوض فيه لكن ماعادش فيها توة

الحقيقة الموضوع هذا محبيتش انخوض فيه لكن ماعادش فيها توة الحقيقة اللي السبايس غيرلز هوما في الاصل ... نوابلية اي نعم الخمسة اذوكم من نابل احنا النوابلية حبينا نحكيو مع السلطة بطريقة حضارية مع المحافظة على طابعنا المفلفل والحار سميناهم البنات متاع لفاح اتنجمو تقولو كانت محاولة لضرب المشروع الساحلي او قوة بر العبيد ضد الزيتونة على كل انا اليوم باش انفسرلكم كل الرسائل الضمنية اللي وجهناها اولا في الاغنية هاذي اللي حبينا ننتقدوا فيها الرويق متاع اذا كان تحبوا المستقبل انساو الماضي متاعي ياخويا صحيح ذاكرة الشعوب ضعيفة اما زادة اعطينا طريحة كيما في 1978 ومن بعد بوس خوك هذايا يتسمى دروشة ودروشة ايا ما علينا احنا نددنا بالانحراف اللي صار في بداية التسعينات كي السلط الثلاث ولات وحدة اما بناتنا باش مايشلقوش حطوا زوز في بلاصة ثلاثة وقالو اللي ازوز ولاو واحد والفهيم يفهم مسكتناش و من حينه صحنا الي الشيء زاد على ما وصاووه لكن الاستفتاء دمر كل سبل المفاهمة واي ثقة في جدية الفرادي بكل ياس اتهكموا بناتنا بالقطعة هذه وسرعان ما الخطاب زاد اتحرحر اش اشكون تسخايب روحك يا سيد يزي فك وسيب صالح خنقدمو اد ونوليو عاد محترمين الزيت برد الحرورية على خاطر كلامك يا قرن في المعصرة زمرا اما النوابلية احنا مانتعبوش والحمامات تاعا مش متاع سوسة لذا قررنا باش نضربو من جديد ويمين البقلوطي في زريعته